Awe mainta den careda di 9:45AM a sosode un accidente na e crusada di Palm Beach entre un Hyundai Accent y Nissan March. Un biaha e luznan di trafico na e crusada aki no ta trahando! E biaha aki casa y yiu di un Parlamentario ta envolvi. Ban mira si awo porfin Gobierno ta haci algo cu e situacion aki.
Chauffeur femenino di e Hyundai Accent, casa di Parlamentario Candelaria, tabata biniendo for di Marriott direccion Playa, mientras e Nissan March tabata biniendo di direccion Grand Victoria bayendo McDonalds. Chauffeur femenino di e Nissan March no a paga tino cu e Hyundai tabata riba e caminda y a dal den dje.
Polis di trafico a presenta na e sitio pa haya tur dato di e sucedido. E chauffeur femenino di e Nissan March tabata keha di hopi dolor y di biaha a pidi asistencia di ambulance. E paramediconan a yega na e sitio y a brinda asistencia medico avansa, pero no a transport’e pa hospital. Takelwagen a presenta na e sitio pa transporta ambos auto na nan respectivo destinacion.
