Garage Cordia ta tene su clientenan contento cu e variacion di autonan di Toyota y un di e fiel clientenan ta Nicole Hoevertsz, miembro di Comite Olimpico Internacional.
E ta cliente di Garage Cordia pa hopi aña y den e ultimo 27 añanan Nicole Hoevertsz ta coriendo autonan Toyota y awendia su auto ta un Lexus Hybrid. E ta un cliente satisfecho di Garage Cordia.
Pa Nicole Hoevertsz e Lexus Hybrid ta un auto economico den consumo di combustibel, e tin 3 aña coriendo auto hybrid. Desde cu el a termina su estudio, su prome auto tabata Toyota Tercel cu a want’e pa hopi tempo. Despues di e Tercel, Nicole Hoevertsz a core Landcruiser y Prado. El a bin haya sa di auto Hybrid door di propagandanan di television y a tende di dje. El a bin considera pa busca Hybrid despues di a bay Garage Cordia scuchando tur informacion. E prijs tambe tabata atractivo, tambe e auto hybrid cu un tremendo resultado pa su persona. E no por keha di e Lexus Hybrid y e servicio di Garage Cordia ta hopi bon.
E filosofia di Toyota ta un filosofia Hapones, esta Kaizen y esey ta e motibo pakico Nicole Hoevertsz a keda fiel na Toyota. E filosofia aki ta nifica “continuous improvements” y e ta cuadra perfectamente cu loke ta haci den deporte aki na Aruba. “Nos tambe ta purba di ta miho semper y cada biaha nos kier bay dilanti, bira miho den locual nos ta haci. Esey ta exactamente e filosofia di Toyota”, Nicole Hoevertsz a expresa.
A funda Garage Cordia Aruba na Juli 1965 ora cu a bestel e prome 12 autonan di marca Toyota pa nos isla. Awendia, despues di mas cu 50 aña, keto bay e compania tin e record di a bende mas auto den historia di nos pais, tanto como agencia como tambe e marca Toyota. Nan ta conoci specialmente pa e bon calidad di e autonan, pero sin lubida cu nan ta e unico cu tin un surtido grandi di piesa pa drecha of ora di “service” e vehiculonan.
