E ekipo di Aruba a yega bek for di Boneiro despues di a competi den e Weganan Escolar Interinsular. Un total di 16 hoben a representa Aruba.
Lui Montoya ta un hungado cu a representa Aruba na Boneiro. Lui a conta cu su experiencia tabata masha leuk. Na prome instante el a kere cu e lo a bira mas nervioso pero na final no a resulta di ta asina. El a logra sali den e premionan.
E ta motiva mas hoben pa participa den deporte y haya mas experiencia. E tin mas o menos cinco aña den e deporte y ta practica tres biaha pa siman.
Annelaine Jacobs, coach di dam, a compaña e hobennan pa Boneiro. E preparacion a bay tremendo y e resultadonan ta papia pa nan mes. Jacobs ta conta cu nan a train e muchanan despues di e campeonato na Aruba pa asina nan por ta prepara pa nan biahe pa Boneiro.
Pa dam, nan a logra prome luga den mucha homber. Zyon Jacobs a resulta invicto mirando cu e no a perde ningun wega. Den e mucha muhe, Jaylee Krosendijk a sali di dos luga y a perde solamente un wega. Elion Statia a sali di tres luga, el a perde un wega, a empata tres y gana cuater.
En total tabatin cuater mucha muhe y cuater mucha homber. E resultado a cay bon pa nan y Annelaine Jacobs ta orguyoso di tur mucha.
Na final ta duna danki na IBiSA y Gobierno di Aruba cu a haci esaki posibel pa e muchanan por a representa Aruba.
