Nacionnan Uni: Venezuela ta viola derechonan humano na gran escala

608

Desde 2014 na un escala grandi e Gobierno Venezola di Presidente Nicolas Maduro a viola e derechonan humano. Esey ta loke investigadonan di Organisacion di Nacionnan Uni (ONU) y un informacion nobo a bisa. Maduro y funcionarionan di su gobierno ta involucra directamente den esaki.

E proposito di e investigacion di ONU tabata pa sigui investiga asesinato, agresion, violencia y desaparicion den e pais. Na 2014, un aña despues cu Maduro a yega na poder, e economia di Venezuela a cay y e apoyo di oposicion a crece. E violacion di derechonan humano ta tuma luga sistematicamente y principalmente ta dirigi riba oposicion y manifestantenan contra gobierno. Ta tortura y mata sospechoso, segun e informe.

No solamente Maduro y su ministronan di Defensa y Asuntonan Interno tabata na altura di e situacion aki, pero a duna ordo. Segun ONU, esaki no ta incidentenan isola, pero cuidadosamente coordina. E investigadonan ta calcula cu mas of menos 3.000 persona ta involucra den e delitonan aki. Nan ta spera cu Corte Penal Internacional (CPI) na Den Haag ta procesa nan. ONU ta planea di comparti e lista di victima y sospecho cu fiscalnan.

Gobierno ta falsifica evidencia

Pa procesa e miembronan di oposicion, cu regularidad gobierno a falsifica pruebanan. Por ehempel a pone armanan den areanan di esunnan leal na oposicion, unda despues trupanan di siguridad tabata drenta. A aresta hende of mata hende sin motibo.