Gabinete Hulandes lo tene diabierna nan conferencia di prensa na luga di diamars , unda cu Prome Minister Mark Rutte y Minister di Corona, Hugo de Jonge, lo papia riba Coronavirus. Esaki tin di haber cu e cantidad di contagio di COVID-19 a aumenta.
Segun Minister de Jonge, lo anuncia medidanan nobo p’e regionnan Amsterdam-Amstelland, Rotterdam-Rijnmond y Haaglanden. Den e ultimo simannan e resultado positivo di e regionnan aki ta constante. Cada bes ta bin recordnan nobo, por ehempel a confirma awe 1542 caso nobo.
Aura Timen, hefe di Centrum Landelijke Coördinatie Infectieziektebestrijding di RIVM a bisa e aumento no ta culpa di e cantidad di extra testnan haci di Coronavirus. Segun Timen, un parti di e Hulandesnan cu keho no ta bin afo, na luga di bay e cayanan di test.
Ultimo biaha cu Prome Minister Rutte y Minister de Jonge a duna un conferencia di prensa di Coronavirus tabata 1 di september. Eynan a duna informacion di diferente cos, e cantidad di contagio confirma. Tambe a anuncia cu e clubnan nocturno tin di mantene nan porta cera y a adresa specificamente e situacion den casnan di cuido di hendenan grandi.
