Ta duna enseñansa 100%: Sagrado Curason ta sigui tur protocol

Sagrado Curason ta un di e scolnan cu ta 100% habri. E scol ta cay bou SKOA y ta sigui e lineanan maneho di bevoegd gezag. Ta implementa protocol segun exigencianan di Directie Volksgezondheid Aruba (DVG) y beleidsteam.

E scol ta percura 100% di enseñansa, aunke cu tur dia tin mita grupo. Lillith Rasmijn, cabesante Sagrado Curason, a bisa cu ta purba controla y maneha e situacion di plamamento. Manera mayoria scol di Aruba, nan ta bezig cu 50% te na vakantie di october. Desde e prome ola tin un retraso caba, tabatin shelter in place pero nan a purba yega na tur mucha via online.

Ta duna enseñansa 100%: Sagrado Curason ta sigui tur protocol

Ta duna enseñansa 100%: Sagrado Curason ta sigui tur protocol. Click link pa mas https://24ora.news/32zqlfV

Posted by 24ora on Wednesday, September 16, 2020

A bay den un situacion di mantene loke muchanan sa y p’e no bay perdi. Les nobo no por duna esaki via online, el a bisa. Duna les den klas y na banda online no ta recomendabel p’e reforsamento di loke e mucha ta siña na scol. Nan ta mara 100% na e protocol di DVG, pasobra prome cu enseñansa ta salud. Ainda tin e parti di ansha di mayornan pa COVID-19, tin problema cu mucha no por yega scol pa situacion social, tin abuso cu ta pasa di cual nan no sa y p’esey mester actua riba tur esey.

Segun Rasmijn, e aña escolar anterior a termina cu training pa muchanan. A bay na 50% prome y despues 100% pa muchanan sa kico pa haci pasobra ta tuma nan rol na serio. Si tin un caso di COVID-19 Sagrado Curason tin un plan di actua. Cada scol tin nan protocol, pero ta actua bou supervision y mandato di beleidsteam di Aruba y DVG. El a splica cu nan tin e maneho hopi bon bou control.