Diadomingo na Harbour House tabata tin un situacion basta straño cu a pone polisnan actua y tambe esunnan di ambulance. Un hende muhe marduga a bira malo pero e personal di ambulance a sinti cu algo ta straño.
Despues di atende e caso marduga e problema no a caba. Mainta atrobe a pidi ambulance y aki nan a avisa polis. Polis a bay topa cu e dama cu a dicidi si lock porta y tabata den balcon cu martiu den man segun prome informe. Finalmente cu un colega cu ta atende cu hende muhe den problema, a logra negocia pa atende cu e dama. A logra bah’e for di e cinco piso y pidi un transporte policial pe.
Na yegada a keda papia cu e dama na Harbour House cu ta e condominium pega cu Waf’i Rancho. Djey a pone den e Transporte Policial y bay cu ne for di e sitio. Algun dia pasa tambe tabata tin algo cu polis y ambulance a bay. Eynan un grupo di amiga a bati alarma pa nan amiga cu a droga curpa. Den e caso aki si ta mustra diferente.
