Diasabra, riba Dia di Himno y Bandera, hopi hende local como turista a yega na Royal Aruba Aloe pasa un rato agradabel, pero tambe a cumpra e productonan cu nan tin di ofrece. Hopi hende a probecha e special di dollar pa florin.
Terrick Croes, Tour Guide na Royal Aruba Aloe, a conta cu e dia a bay tremendo y hopi hende a yega di loke na a spera. Tur hende a disfruta dje dia y e prome banda cu a pone ambiente tabata Sod’i Cuero, sigui pa baile di cinta, sin lubida cu e cumindanan bayendo hopi lihe. Por a haya diferente cuminda cultural, entre otro sopi, pastechi, e cosnan dushi, chuculat’i pinda, aw’i lamunchi, etc.
Incluso esunnan cu a presenta a disfruta dje special di prijs cu Royal Aruba Aloe a ofrece. Esaki nan ta haci un of dos biaha pa aña, unda cu e prijsnan na dollars ta bira florin. Y esey a pasa dia 18 di maart, unda den tur tienda e prijsnan a bira na florin.
Pa mas lesa TREMPAN.COM.
