Hopi ciudadano no ta consciente pero si bo ta burachi riba caminda publico, polis por detene bo. Mas si bo haci fastioso of ta molester pa otronan. Esaki a sosode diasabra ora cu un homber kier a subi bus burachi y e chauffeur no kier a permiti esaki.
Diasabra den careda di 11:30pm polis a bay atende cu un señora cu kier a subi burachi den bus. Nan a bis’e e no por subi asina. Y mirando cu e kier a yega su cas, e no a gusta e contesta cu nan a dun’e y a cuminsa haci fastioso. No a keda nada otro cu pidi asistencia di Polis p’e.
Na yegada di e polisnan, a constata cu berdad e ta haci fastioso cual ta molester pa otronan y a dicidi di detene. A hib’e warda di polis caminda un subfiscal a tende cu ne.