Den fin di siman e polisnan a haya nan mes confronta cu un caso di arma di candela. A logra detene e sospechoso prome cu e por a haci uzo di e arma, cu el a logra deshaci di haci dje durante cu e tabata trata di huy.
Tabata rond di 2:40 cu diferente polis a bay direccion di e parkeerplaats cu ta keda patras di e restaurant Benihana. Lo tabatin un pelea formal. Tabatin hopi hende spanta despues di a tende e gritonan. Pero, probablemente e bringadonan a scucha e alarma na caminda y a huy.
Un rato despues a tuma nota cu e polisnan a bay na e parkeerplaats di The Village, cu ta riba e mesun strip. Na yegada a mira solamente un persona na careda y tabata suficiente pa bay den accion. A tuma nota cu e tabatin un arma den su man.
A sigui un persecucion na pia. E sospechoso tabata parce un atleta ya cu e tabata basta veloz pero no tabata por cu tur e polisnan. Mas cu despues cu un di e agentenan, despues cu a dun’e ordo pa para y e no a cumpli cu esaki, a los un tiro den laira.
Pero prome cu esey a tuma nota cu el a deshaci di loke cu e tabatin den su man. Nan ta pensa cu tabata trata di un arma di candela.
Polis a logra detene patras di Barcelo hotel. Despues a keda busca den e area unda e persona lo a benta e arma. Pero no a haya nada.
A transporta e sospechoso pa warda di polis caminda a presente dilanti un sub-fiscal. Unidad di K-9 tambe a presenta cu su cacho pa asina yuda busca e arma cu e persona a deshaci di dje durante cu e tabata huy pa Polis.
