Diadomingo atardi a sosode un accidente entre dos auto na Piedra Plat. Falta di dunamento di preferencia ta motibo di e accidente. E auto cora tabata riba caminda di preferencia biniendo for di Santa Cruz y bayendo direccion Piedra Plat.
E auto blanco tabata riba e T-Weg cerca di Weng Kee pa asina subi caminda y bay direccion Santa Cruz. E chauffeur a Sali y no a calcula e auto cora bon. E impacto tabata na e parti patras di e auto blanco. Dos mucha tabata herida levemente. Uno den cada auto. Polis a pidi pa ambulance. Paramediconan a yega cu dos ambulance. Nan no a bay cu e victimanan. A atende cu nan na e sitio mes. Polis di trafico a atende cu e chauffeurnan envolvi den e accidente.
