Auto a trapa y kibra pia di mucha di 2 aña

Den oranan di atardi diadomingo alarma a wordo bati ora cu un criatura di dos aña a bira victim. Ta papia di accidente unda auto a pasa riba pia y kibra esaki. Probablemente ta un accidente. E mayornan a yega cu e criatura na IMSAN na San Nicolas. Mesora a manda Polis tambe na e sitio.

Na Centro Medico e personal profesional a evalua e situacion y dicidi mesora pa manda e mucha pa Hospital. Den ambulance a sali cu urgencia. E tabata na tino y stabilisa pa e yegada na Hospital. Tin biaha cosnan ta pasa y por tin consecuencia tambe inocentemente. Danki Dios den e caso aki esaki no tabata e caso.