Recientemente a tuma luga un candela den e forno di kalki cu ta ubica den Rancho, caminda cu un adicto ambulante a wordo kima. Awo, hopi hende den becindario ta puntando dede riba Mexi, tambe un adicto ambulante, cu a cende e luga na candela, cu e consecuencianan ya menciona.
Nos a papia cu Mexi, kende a comenta cu e luga ey ta un luga di nos. Tur caminda cu e bay nan ta acuse di kima. El a yega di cay cera caba pa kimamento.
Riba caya ta tende yen di cos y el a admiti cu nunca el a sconde. Loke a pasa ta cu berdad el a sali for di un cas eybanda y a pasa rond. Tabata tin un mucha muhe rasta eynan. A puntre pa un tal Blanca, pero no a contesta.
El a drenta den e forno y a haya un cabayero, kende ta un shon di hende. El a puntre pa Blanca y door cu e ta un adicto, a pidie pa un pida piedra, kende na su turno a bisa cu e no tin.
Mexi a bandona e sitio. Despues di un rato, e homber cu nan kiermen cu ta kima, el a tende di esey. E mes no tabata eybanda y no sa kico a pasa. Berdad el a yega di kima sushi eytras, pero loke a sosode, e mes no sa kico a pasa ni ken a haci esaki. E no a haci nada. E no a sende candela.
Hende a bisa cu ta Mexi a sende candela y Mexi mes ta bisa cu e no tin nada di haber cu esaki. E sa kico e ta bisa.
Exclusivo cu Mexi Lont : Ami no a cende candela unda homber a kima den Forno na Rancho
Segun Mexi Lont, tur ora cu tin candela ta kere ta ami a cende candela. Djis pasobra den pasado mi a cay sera pa esey. A topa Mexi Lont den un hanchi cu su pipa den man. El a insisti cu e ta inocente. Hasta e kier bay Hospital pa topa cu e victima. Den un entrevista exclusivo, awe Mexi Lont ta kita tur e rumor rond contra dje.
Posted by 24ora on Sunday, May 26, 2019
Tur caminda cu Mexi bay of unda e ta, diripiente tin candela, ta puntr’e si t’e. Temporada di Tico Spanner, t’e. Door cu e no ta frei cun’e, caminda e ta, e ta cende candela y ta bisa cu ta Mexi ta esun cu ta cende.
Mexi ta sospecha di varios otro adicto cu ta sende candela. Y e ta sigui bisa cu caminda e ta, unda cu puntra den banda di fruteria Virgilio of mas diep den Rancho, nan ta puntra dede riba Mexi.
E ta keda reitera cu e no tin nada di haber cu e candela den forno. E kier sa con a para cu e persona aki, pasobra el a caba di papia cun’e. E ta sali bay, y diripente e ta tende cu e persona a kima.
Hendenan cu no gust’e, ta crea un complot of kier venga contra di Mexi. E no sa precisamente con pa splica.
E kier bay Guatemala
Mexi a comenta cu e kier bay Guatemala, caminda cu el a nace y caminda su mama ta dera. Santo Domingo e no kier bay pasobra ora nan bin bek, nan ta bin morto. Tin hopi otro luga berdad, pero e kier bay bek si su luga. Colombia e no kier bay pasobra segun Mexi eynan nan ta mate cu droga.
Consenshi ta limpi
Mexi a comenta cu su consenshi ta limpi, pasobra e sa cu e no a haci nada. Polis ta atende normal, segun el a conta. Nan ta investigando e kimamento si. Un cos si, Mexi kier a bay cerca e adicto pa wak con a bay cun’e. Apesar cu e ta den mal caminda, toch e ta kere den Dios Omnipotente cu ta protehe di tur cos.
Tur hende tin nan bon y nan malo, pero ora cu consenshi ta limpi, e ta keda para riba su palabra.
