Diasabra ultimo den oranan di mainta tempran Polisnan mester a atende un caso di robo den area di Noord.
E polisnan a bay na un cas na Boegoeroei, pa yuda habitantenan cu a yama Central di Polis. Na e sitio ta papia cu e persona en cuestion. Segun el a conta nan, rond di 7’or di mainta, el a sali pafo y a constata cu e baterial di e Hurricane Deck Boat a wordo horta door di persona(nan) desconoci.
E dia prome, el a yega cas rond di 6.30 y esey tabata ultimo biaha cu el a mira e bateria di e boto. E no a duna ningun hende permiso pa bay cu e aparato aki pa cual el a entrega un keho.
Den Adolf van Nassaustraat tambe tabatin un caso di kiebro cu polisnan mester a atende diasabra den oranan di merdia pa atardi.
Na e sitio e polisnan ta papia cu e persona cu a yama, esta e señora di inicial O. E ta declara cu tres siman pasa tabata ultimo biaha cu e tabata na e adres ey. El a laga e cas bunita y na ordo atras, y na yabi.
Dia 7 di november pa 12.30 di merdia el a dicidi di bay tira un control na e cas, y a bin descubri cu personanan desconoci a los un bentana pa drenta den e cas. El a tira bista paden, pero no ta mira cu nan a bay cu algo.
Di tur manera, el a keda di haci un inventario y cualkier cos hiba un lista pa polis.
