Dialuna marduga, despues di 1:00 am, a sosode un accidente c’un brommer. E accidente aki a tuma luga riba e caminda di Sero Patrishi pa Paradera.
Diferente unidad policial a presenta na e sitio pa atende cu e accidente aki. Nan a cera e caminda pa asina BFTO y polis di trafico por a haci e investigacionnan necesario. Pa un motibo of otro e motociclista a baha di caminda y a cay abou.
Un prome unidad di ambulance tabata na sitio pa asina atende cu e motociclista. Un di dos unidad di ambulance a presenta na e sitio, unda cu e paramediconan tambe a duna un man pa atende cu e motociclista. Despues cu nan a logra stabilisa e motociclista a hib’e hospital p’e ricibi chekeo medico mas avansa.
