Un idea cu a nace algun aña atras caminda e desea di sponsor un club na San Nicolas. Mirando e necesidad cu tin den e districto di San Nicolas, pero tambe un club cu por aporta na comunidad en general pero enfoca riba San Nicolas, a funda Kiwanis Club of San Nicolas.
A duna comienso na november 2019 cu reunionnan cu diferente miembronan cu awe ta keda instala como miembro di Kiwanis San Nicolas. Na Januari a cuminsa organisa, despues di a papia cu varios miembro, y diasabra a keda reconoci na Kiwanis Internacional como un club mas adicional di e tres otro clubnan di servicio cu nos conoce riba nos isla, cu ta Kiwanis Club of Aruba, Kiwanis Palm Beach of Aruba y Kiwanis Young Professionals of Aruba.
Edalitza Weller a sigui conta cu e ta un momento historico locual a tuma luga na San Nicolas diasabra anochi caminda cu ta bin un “charter” capitulo mas cu ta bira un di cuater club di servicio na Aruba di Kiwanis Club of San Nicolas cu un total di 25 miembro.
Na januari 2020 dos miembro activo di Kiwanis Club of Aruba como tambe Kiwanis Club of San Nicolas, Giantonio Muller ( Distinguished Lieutenant Governor ) y Nathalie Maduro ( Fellow Kiwanian ) a fungi como guia na momento di realisa nan proyectonan. E parti di e mentorship ta hunga un rol importante caminda ta cuminsa guia un grupo for di nan inicio. Como sponsor club tin e tarea pa traha proyectonan hunto na beneficio di muchanan di Aruba, facilita trainingnan si ta necesario, duna guia si tin mester y keda yuda te na momento cu nan por para riba nan mes.
Tin di bisa cu for di comienso e club aki a participa na seis diferente proyecto caba durante aña, ta un club hopi energetico cu hendenan hopi dinamico, creativo, innovativo pa bin cu ideanan di con nan por yuda e comunidad di San Nicolas. Un elogio grandi ta bay na e Club cu den pleno momentonan dificil di un pandemia cu a afecta no solamente Aruba pero mundo henter, a sa di ehecuta proyectonan na beneficio di Aruba
Como Kiwanis Club of Aruba su sponsor nan ta sumamente contento y orguyoso di nan y cu por a mira e realisacion y brindando Aruba un otro Club mas di servicio cu 25 miembro cu ta haci trabou comunitario dedica na Aruba.
Edalitza ta desea Kiwanis Club of San Nicolas hopi exito, nan corda semper e dia di diasabra caminda cu nan a haci un promesa y compromete nan mes di yuda Aruba, di sirbi comunidad di Aruba y pa ta un ehempel pa comunidad di Aruba y yuda pa hunto crea y hiba nos pais den un miho direccion/ direccion positivo na beneficio di e muchanan y comunidad en general.
Alvin Molina Presidente di Kiwanis Club of San Nicolas a conta cu aunke Covid-19 a duna un retraso di un par di luna, e Club ta oficial for di 21 di januari como Kiwanis Club of San Nicolas, te diasabra anochi e instalacion oficial a tuma luga y cual ta pon’e sinti hopi emociona.
E ta algo great pa mira e aporte cu nan a haya, no solamente di e Club, pero tambe di tur otro service clubnan members di e comunidad cu ta representa na e evento y di cual sigur e sa cu lo bay haci algo hopi bunita.
Molina ta remarca cu enberdad 25 miembro ta algo inusual, cu ta ilustra e gana cu tin den e comunidad di San Nicolas pa aporta na e causa y traha pa e muchanan di pariba di brug. Tambe e ta menciona cu en realidad tin un lista di hopi profesionalnan, hende cu drive / motivacion cu kier forma parti di e Club cu for di akinan “ The Sky is the Limit”.
Presidente di Kiwanis Club of San Nicolas Alvin Molina ta menciona cu tur proyecto te cu awo tabata uno bunita, algun signature projects caba di e director of Children and Youth Committee Giandra de Cuba, cu ta bin cu proyectonan inovativo. Ta mira cu algun di e proyectonan aki a base di tempo lo florece y bira proyectonan grandi y bunita. Pa motibo di Covid-19 nan tabata proyectonan online pero cu a ricibi aportenan grandi.
Nificacion di cada aporte na nos muchanan ta algo nice y aprecia.
Palabra di gradicimento a bay na Kiwanis Club of Aruba cu a sponsor y cu a bin cu e idea/ vision pa bin cu un Kiwanis Club pa San Nicolas y nan support cu ta uno tremendo. No solamente e Kiwanis Family pero tambe na e otro diferente service clubnan cu ta brinda nan sosten.
A ricibi varios invitacion na instalacion caminda por aprecia e vicion en conhunto caminda cu tur tin e mes un meta cu ta yuda e comunidad. Disponibilidad pa traha hunto ta tremendo. Locual cu tabata falta tabata e compromiso pa cu San Nicolas y pesey a forma cu un Club pa San Nicolas mes y awo cu e 25 miembronan cu of ta di San Nicolas, a biba/ crece na San Nicolas of tin afinidad di un forma of otro na San Nicolas y conoce e ditricto / e problematica y nececidad den e comunidad y cu yudansa di nos colaboradonan lo tin algo cu nos lo no por logra.
