Pa loke ta trata casamento di mesun sexo, na momento cu a entrega e ley na Raad van Advies, cu mester duna su conseho. Y asina cu e conseho drenta, parlamento ta haya oportunidad pa haci pregunta.
Misha Raymond, lider di fraccion RAIZ, a expresa cu na momento nan haci pregunta y e deadline ta stipula nan por trece esaki den OV cu mester ta yama. E parlamentario no ta premira cu algo ta bay tranc’e. E ta un discusion fuerte den comunidad y e lo ta asina tambe den parlamento.
E proceso di geregistreerd partnerschap tabata un discusion basta fuerte. Raymond a indica cu e ta para p’e ley, pasobra e no a firma un ley por nada y e kier mira esaki realisa den parlamento. E no ta mira kico por tranca e proceso dje forma ey.
Den e parti di coalicion, tur no ta riba mesun linea. Segun e parlamentario, mester duna respet na tur hende nan opinion pa loke ta esaki. Cu tin diferencia di opinion, esey no ta un secreto. Loke ta e partner den coalicion, tin diferencia di opinion den oposicion. Tin un motibo, pasobra ta e partidonan chikito ta esun cu a firma e ley. Esaki ta bin pasobra nan sa con dividi e ta den e partidonan grandi.
Pa mas lesa TREMPAN.COM.
