Diaranson anochi polis mester a pidi refuerso despues du detencion di un homber burachi pasobra e hendenan rond no tabata kier pa polis bay cu ne.
Tabata despues di 9’or di anochi cu polis a acudi den Maria van Oranjestraat. Segun por a compronde, riba peticion di personanan eybanda mes pasobra tin un homber burachi hopi fastioso.
Na yegada a topa cu e homber burachi berdad y cual tabata un problema pa logra pone den e auto di transporte. A resulta cu homber y muhenan eybou a dicidi cu nan no kier pa polis bay cu e homber bou influencia y tabata resisti.
Mientras e vehiculo di transporte a hiba e homber burachi warda, e polisnan a keda eybou pasobra e grupo tabata hopi agita. Tambe tabata mustra nan malcontento pa cu actuacion di polisnan, cu nan ta bisa a actua violento cu e detenido. Esaki ta motibo cu transportwagen a bolbe pa mira si mester brinda ayudo na e coleganan. Pero despues di algun minuut e situacion a calma y nan a bandona e sitio.
