Riba 22 di augustus 2020 Aruba a haya un shock pa un noticia den prensa tocante lekmento door di DVG (Departamento di Salubridad Publico) di informacion confidencial riba varios pashent di COVID. Riba Whatsapp un lista tabata circulando di e pashentnan getest positivo pa COVID. Director di DVG a haci denuncia riba 24 di augustus 2020 di violacion di secreto profesional (ambtsgeheim).
Aunke a tene cuenta desde prome momento cu un eror humano lo por a sosode, Cuerpo Policial di Aruba a cuminsa cu un investigacion bao guia di fiscal di Husticia. Esaki pa haya sa si a lek informacion confidencial y ken a lek y si tabata intencionalmente of no.
Den e investigacion a scucha 2 persona como sospechoso y 8 persona como testigo. E investigacion a keda cla na luna di Mei ultimo y entrega na Ministerio Publico.
E investigacion a mustra cu un di e sospechosonan a berdad manda informacion confidencial pa un e-mail robes. Esaki a bay accidente. E acto aki, esta e kibocacion, no ta hiba na sospecho di un hecho castigabel, manera ta para describi den articulo 2:232 di Codigo Penal (Wetboek van Strafrecht). No por papia di intencion. E caso a bira un sepot.
Un di dos persona considera como un sospechoso, a resulta di a marc’e incorectamente como sospechoso. E caso aki tambe a bira un sepot.
