Pueblo di Aruba tabata pendiente riba un sentencia importante cu mester a cay diabierna, 29 di Juni, den oranan tempran di mainta. Esaki ta e caso cu Gobierno di Aruba, c.q. Minister Otmar Oduber, a entama contra ciudadano di Grupo 7, Michael Williams, riba expresionnan cu el a haci cu ta tilda e mandatario di ta meti den asuntonan coruptivo y minister a dicidi cu e ta uza e fondonan di pueblo di Aruba, den nomber di henter e gabinete na mando, pa bay cuminsa cu un caso contra di Michael Williams.
Tin un sentencia. El a bin cu sr. Cornelius Wilson for di Hulanda. El a wordo sosteni tambe pa diferente otro personanan den corte y p’afo di corte. Nan tabata tey tambe tempran pa asina duna sosten na sr. Michael Williams y cu su sentencia a sali na su fabor. Den e caso aki, pais Aruba, Gobierno di Aruba, Otmar Oduber, minister a perde caso contra Michael Williams despues cu hues a scucha e defensa cu a wordo hiba door di Michael Williams, asisti pa Cornelius Wilson.
Prome reaccion
Tur hende sa na Aruba kico ta pasando. E tristo solamente despues di e decision ta, kico ta bay pasa despues di diabierna. Pasobra corupcion ta siguiendo keto bay. Ken ta bay para e corupcion. Gobierno cu a perde caso diabierna, kico conclusion lo saca di esaki. Grupo 7 no kier placa. Nan a haci gasto, pero tur esaki pa pueblo. Nan si ta traha pa pueblo. Pakico ta kere cu ta importante pa para y bisa cu nan no kier placa. Gobierno di Aruba. E Gobierno cu e mes a vota p’e. Nan a paga 3 abogado, expertonan, pa bin bringa contra pueblo.
Diabierna mainta, sindicatonan, por conta cu sosten di grupo 7. A bisa di cuanto pueblo tin cu bay paga pa tiramento di sushi. Compinchinan politico, compinchinan cu ta den cobramento di fixback pa cuestion di tiramento di sushi. Reglamento di escavator, ekiponan, cu ta wordo regla. Terenonan prime di Aruba unda cu bo ta uza pa traha bunita condominiuman cu ta mira lama, ta wordo uza. Ta un tristesa. Trista ta cu ora Williams mester a scucha con e pueblo ta preocupa pa Dia 1, unda pueblo ta puntra y ta tende cu pan no ta subi, pan di mashin no ta subi, pero ora bo yega na caha bo tin cu ba paga tanto porciento, hera mas. Si bo ta bisa cu e no ta subi, dicon bo tin cu paga mas.
Ban para contra corupcion, Williams a enfatisa. Grupo 7 ta bay den su seno pa mira con ta bay para contra di e medidanan di dia 1 y no bin bisa Williams, ta cu AVP of ta cu ken. Grupo 7 ta brasa Aruba henter pa bay contra e corupcion di dia 1, pasobra cu Evelyn Wever-Croes, prome minister, a priminti pueblo zero medida y sa con pa ataca e problemanan cu tin awe. Awe bo ta den gobierno, bo ta bay tuma medida. Na Merca prensa a conoce kico kiermen ora cu esnan drenta paden y mata esnan di prensa. Aki na Aruba, hunto cu prensa, Grupo 7 tin cu bay caba cu corupcion. Tin cu bay caba cu mal gobernacion. Williams kier tende, pasobra cu ta wordo bisa y sigur kier sa kico ta bay haci despues di e veredicto. Grupo 7 ta bay prepara, drenta ministerio publico, e investigacionnan mester sigui, pero tin prueba na cantidad. Locual cu hues a bisa, tin cu compronde cu ta un mandatario y hopi bes, huesnan ta bay basta suave cu e decisionnan contra mandatarionan.
