Diasabra awor ta bay tin un grandioso evento pa haci bo hardin na cas, cura, etc. di mas bunita. Un tremendo proyecto pa home-improvement. Na ATCO na Barcadera lo bay tin un special.
Geraldine Oduber a conta cu diasabra awo, dia 30 di Juni, ATCO Concrete products lo bay tin su yard sale, unda cu practicamente tur su materialnan lo bay tin descuento, cuminsando cu Pavers, pa tur esnan cu kier embeyece e exterior di nan cas.
Lo bay tin descuento riba klinkernan di 6 centimeter, trottoir tegels, nan 3 in one square, nan 4 in one square. Tambe riba nan modelo nobo cu a saca mas recien, cual ta e City Line di 6 centimeter. Tur e modelonan aki lo bay ta na 39 florin pa meter cuadra. Sigur e ta un prijs sumamente atractivo.
Apart di esaki tambe, sigur lo ta bezig ainda ta spaar e 2.5% di tax, ya cu ta cumprando diasabra awo. Lo ta bo ultimo oportunidad pa esey.
Apart di peversnan tambe, lo bay tin descuento riba tur bloki, locual ta nan blokinan regular, cual ta solid 4, 6, 8. Nan blockcolomn, nan blockhollow, ringblocks. Tambe riba nan splitblock hollow. Tambe lo bay tin un descuento super special riba esaki, cual ta e tipo di bloki cu no mester pleister, ni verf. E ta bin den un variedad di color cu ATCO Concrete Products ta produci. Combinando splitblockhollow, 6 y nan blockcolomn, sigur ta un opcion super atractivo pa asina crea e cura di bo cas. Una bes bo tin e bloki di color, e colomnblocks, bo tin bo cura di cas cla caba.
Apart di esaki tambe lo bay tin descuento riba nan readymix concrete. Esey ta nifica cu e dia di yardsale, ta bay na ATCO, indica e dia cu bo ta desea di basha bo vloer, bo fundeshi, bo ringbalk, ta boek esaki y naturalmente bo a haya e yardsale discount riba e basha di readymix concrete. Tambe riba santo y piedra, lo bay tin descuento riba e limesand, limechips y limestones, cual ta santo pa basha of pa pega bloki, piedra pa basha of landscaping. Sigur tin opcionnan riba materialnan cu e hendenan cu ta construyendo, renobando of kier embeyece e exterior di nan cas, disponibel, na un miho prijs diasabra awor, na ATCO Barcadera, for di 8’or di mainta te cu 12’or di merdia.
Esnan cu ta interesa den pevers, lo bay tin peverleggers. Companianan cu ta haci e trabao di pega pevers, cu tambe por asistibo cu informacion, conseho di e partinan cu ta esun di pega pevers mes.
Transporte
Oduber a sigui splica cu nan ta transporta e materialnan, e delivery ta inclui. Tambe riba e dia di yardsale, ta conciente cu lo bay tin un partido di Mundial, cual ta Francia-Argentina. Ta bay tin un pantaya unda cu, mientras cu ta deliberando cuanto palet di bloki bo mester of ki color di pever ta pas cu bo cas, lo bo no perde ningun detaye di e wega di Mundial. Tambe ta bay tin un parti na unda cu bo lo ta bay tin chens di gana 2000 florin, si bo score un gol. Ta bay tin un parti di e wega di futbol cu esunnan cu cumpra e dia ey, lo bay tin chens pa gana te cu 2000 florin.
Esaki ta solamente na ATCO na Barcadera. Tur e otro salesofficenan no lo ta habri, unicamente na ATCO Barcadera. Full e team di ATCO Concrete lo ta cla pa duna informacion di tur material cu ta bay tin mester, for di 8’or di mainta, te cu 12’or di merdia.
