Recientemente durante un conferencia di prensa di gobierno, minister di salud publico a anuncio posibel cambio cu ta na caminda relaciona cu e post di dokter di cas y Eerste Hulp. A constata durante e añanan tras di lomba cu 90% di e pashentnan cu yega Eerste Hulp, no necesariamente ta papia aki di un emergencia.
E pashentnan ey sea mester pasa nan dokter di cas of e post di dokter cas cu habri te cu 10:00 pm. E post di dokter di cas ta habri despues cu e dokternan di cas cera nan porta. E intencion tras di e post di dokter di cas ta pa reduci e presion di cantidad di pashent cu eerste hulp ta ricibi.
E mandatario di salud a enfoca tambe riba e acceso cu e pashentnan tin cerca nan dokter di cas. Cu otro palabra ta sinti cu ey tin un buraco, e pashentnan no ta ricibi atencion cerca nan dokter di cas pa cual ta hisa e presion cerca eerste hulp. E no a un secreto cu; no ta facil pa ricibi un cita cu bo dokter di cas, ta yama mainta trempan pa oranan largo y hopi biaha no ta ricibi un contesta.
Ora e pashentnan bay personalmente n’e oficina, e secretaria for di paden ta bisa e pashent para pafo pa e yama pa e por ricibi un cita cu dokter. E post di dokter di cas ta habri despues cu e dokternan di cas cera nan porta. E intencion tras di e post di dokter di cas ta pa; reduci e presion di cantidad di pashent cu eerste hulp ta ricibi.
Segun Minister Oduber, ta deliberando pa amplia e orario di e post di dokter di cas na warda. Tur esaki mirando cu e costo ta mas abou pa ricibi servicio na e post di dokter di cas compara cu na hospital. Awo e mandatario lo cuminsa cu e proceso pa educa e comunidad riba e consecuencianan cu por tin ora di bishita Eerste Hulp sin tabatin mester
Henter e desaroyo aki ta rondo di e recorte den cuido, pues pa baha gasto, pa cual e ‘eigen bijdrage’ tambe lo por tabatin su efecto door di conscientisa e hendenan mas riba e costo pa cu cuido. No ta un secreto cu tin hopi keho pa cu e orario di espera na Eerste Hulp, tur esaki ta bin mirando cu hospital ta trata e casonan mas urgente prome.
