Hulanda tin e custumber pa compara e islanan cu nan mes. E sistema di eigenbijdrage na Hulanda ta funciona. Ta sinti cu esey nan ta buscando, introduccion di eigenbijdrage. Minister di Salud a indica durante conferencia di prensa cu no por copia y haci mescos.
Minister di Salud, Dangui Oduber, a indica cu di un distancia Hulanda ta gusta haci comparacion di loke nan tin y Aruba tin. Hopi biaha no ta tene cuenta cu e factornan externo cu ta pisa hopi riba comunidad. Segun e mandatario, na momento cu a cuminsa papia e topico di eigenbijdrage, no tabatin e factornan externo cu a pone asina hopi peso riba comunidad manera e guera cu a cuminsa na februari entre Rusia y Ucrania.
E guera aki a conduci na prijs di bari di petroleo riba 140 dollar. Esey a conduci na prijs historico halto di e liter pa gasolin. Tur esey a hunga un rol riba e inflacion mundialmente di dies porciento, cu naturalmente na Aruba sin haci nada ta djis importa inflacion di Merca y Europa. Tur factor externo ta pone gobernante reevalua e posicion, reevalua e decision cu introduccion di eigenbijdrage lo pone mas peso riba e asegurado.
Gobierno no a haya cu esaki ta algo responsabel pa haci, unda ta pone adicional riba comunidad specialmente riba cuido medico. P’esey mes hala di dje y busca otro alternativa.
Pa mas lesa TREMPAN.COM.
