Minister Maduro na Polisnan: Mi no ta gaña Boso…e situacion ta hopi dificil

3193

“Sacrificio ta necesario pa yuda 37 mil hende cu a keda sin trabou, di e forsa laboral di 53 mil persona cu Aruba tin”, asina Minister di Finansa, mr. Xiomara Maduro a splica Polisnan u rato pasa dilanti Bestuurskantoor. Esaki a bin como contesta riba peticion di e Polisnan pa wak con ta reduci nan salario di 5% y tambe pa Gobierno compromete pa wanta e “medida” aki te december. Riba ambos peticion nan a haya un contesta negativo. Tabata obvio cu Minister Bikker a opta pa no contesta e Polisnan pero a prefera di trece su colega femenino pa e enfrenta e defensornan di ley.

Minister Xiomara Maduro a splica cu ta apenas diabierna ultimo por a cera payroll di Gobierno, cu ta hopi laat compara cu otro lunanan. “Boso por rabia y cuestiona, pero esaki ta e berdad. Ningun hende a pidi pa COVID, e ta afecta henter mundo y humanidad. Nos tur sa y no ta realisa con grandi e ta. Ainda Aruba no a haya e sla grandi cu COVID ta bay trece cu ne. Reino Hulandes a bisa e ta bay yuda nos y tin condicionnan poni a base di cual e ta bay yuda”, segun e mandatario.

Minister Xiomara Ruiz-Maduro cu contesta na Sindicato di Polis (SPA)

Minister Xiomara Ruiz-Maduro cu contesta na Sindicato di Polis (SPA). Click link pa mas https://24ora.news/2TiARD1

Posted by 24ora on Tuesday, May 19, 2020

“Mi ta compronde boso,” e mandatario a reacciona ora cu Polisnan a cuminsa grita pidiendo comprension pa e situacion. E condicionnan pa Aruba ta menos pisa cu pa Hulanda, pero dia 15 ultimo a bini cu condicionnan mester bini “not nader orde”. A bisa cu e ayudo ta algo cu no por negocia cu ne. Pa tur locual a tuma mester ta “tot nader orde”. Mas lihe e crisis pasa, mas lihe por bay lihe, pero ningun hende sa cuanto lo ta.

Polisnan wardando contesta di Minister Andin Bikker pafo di Bestuurskantoor. Click link pa mas https://24ora.news/2TiARD1

Posted by 24ora on Tuesday, May 19, 2020

E condicion extra pa Aruba ta pa spaar 5 miyon riba AZV. E condicion prome tabata cosnan cu Aruba a traha caba riba dje y p’esey a bini solamente esun di AZV. Covid-19 ta exigi di tur hende sacrificio. “E manera cu boso kit’e ta full fout,” e Polisnan a reacciona. “Boso por bay contento of disgusta cu mi, pero e realidad ta otro. Awe ta papia di 5, mayan por papia 40, 50, 80 y voedselbon. Tin paisnan den Caribe no tin e ayudo di Reino Hulandes. Tur ta bay atras den salario, pero ta bay tin momento cu lo no tin ni mita di e pago pidi. Tur, tur hende riba Aruba lo wordo afecta. Lamentablemente esaki ta e situacion,” e mandatario a bisa.

A informa e Polisnan tambe cu aunke cu Parlamento a pasa ley pa reduccion di salario cu 25% te cu december, pero ya caba Gobierno a bisa Parlamento cu nan mester cambia esaki di e reduccion di salario “tot nader orde”.

Aunke cu e Presidente di Sindicato di Polis a keda pidi pa bisa Parlamento pa no kita e 5% di e bezoldiging. El a bisa nan bek “e berdad no ta leu, mi no t’ey pa gaña boso. E realidad ta mi ta compronde boso decepcion, pero mi no por haci nada, pasobra ta e decision cu Hulanda a duna pa haya e suma di prestamo pa paga salario y gastonan.”

SPA a keda pidi pa paga un tipo di solidariteitsbelasting di 5% pa no kit’e for di nan salario. “Mi no kier duna ningun hende speransa falso. E realidad ta cu nos tin condicionnan riba nos cabes di unda e fondonan ta bini pa nos por cumpli cu boso salario”. E Minister di Finansa a duna nan un copia di carta pa mira pakico mester tuma decisionnan pa cumpli cu payroll di pais Aruba. “Esaki ta algo cu a wordo imponi riba nos tot nader orde.” Dia 3 di juli ta bay exigi reformanan mas structural, mester introduci cambionan fiho.