Despues di a topa cu Minister di Finanza, sindicato SPA a dicidi di reuni un biaha mas cu su miembronan pa mira cual ta bay ta nan proximo paso. Joselito Dirksz, presidente di SPA, a cuminsa nenga cu nan no kier entrega. Pero nan no ta di acuerdo cu e forma cu Gobierno kier pa nan entrega. E miembronan ta para riba cu no ta kita 5% di nan salario bruto. Pasobra e ora lo ta trapando riba ley.
Hulanda ta para’riba pa corta den salario di ambtenaarnan, mientras cu SPA ta haya cu tin hopi caminda unda cu por corta den aparato gubernamental.E Polisnan a keda malcontento cu Minister Bikker a bin cu contesta negativo riba nan dos preguntanan. Despues di esey a haya dos mandato. Pa sinti cu conseheronan medico pa mira kico mas nan por haci. E di dos mandato ta pa cuminsa cu accion morocoy. Nan lo sigui haci nan trabou, pero no manera ta conoci semper di nan.
El a splica cu 5% di bezoldiging ta fase uno y na januari, tin otro medida cu ta bay tuma. Si no para awo, e situacion lo sigui bay atras. E para riba cu bezoldiging ta mara na e rango.
Nan ta pidi pueblo pa tene comprension ya cu nan ta bringando pa e derecho cu Polisnan no kier pa kita di nan. Tin hopi otro caminda cu tin vetnan pa corta, enbes di e 5% den e salario di Polisnan.
