E regimen di Iran a sali pa rescata Venezuela cu gasolin

1159

For di Iran a sali 5 petrolero cu ta hibando gasolin y productonan similar, evalua na mas o menos 45.5 miyon di dollar, rumbo pa Venezuela. Esaki ta parti di un acuerdo entre e dos nacionnan sanciona pa Merca door di e tensionnan cu ta creciendo entre Teheran y Washington.

E petroleronan ta realisa nan biahe despues cu e  Nicolas Maduro a acudi na Iran pa haya e productonan kimico necesario pa un refineria bieu cu tin escasez di gasolin, sintoma di e caos economico y politico mas amplio cu ta afecta loke tabata e productor mas grandi di petroleo di Latino America.

Pa Iran, e barconan petrolero ta representa un forma di recolecta placa pa su teocracia chiita y di eherce presion riba Merca, cu su presidente Donald Trump a bay cu un campaña contra ambos nacion. Pero e strategia ta crea e posibilidad di un confrontacion nobo entre Republica Islamico y Merca, den Golfo Persico cerca di Bandar Abbas, Iran, cu ta produci gasolin, segun e acuerdo cu Raja. Despues nan a biaha pa Peninsula Arabiga y via e Canal di Suez p’e Lama Mediterraneo, segun datonan haya p’e Sistema di Identificacion Automatico di embarcacion (AIS na Ingles).

Un di e petroleronan, Clavel, ta direccion pa Caracas desde 12 mei, segun AIS y segun e datonan di rastreo naval di MarineTraffic.com. Dos dia despues, e nave a adapta su destino “segun e ordo,” cual e barco ta mantene su ruta, di cua lo sali Lama Mediterraneo y rumbo Venezuela. Otro petrolero, esta Forest, a cambia su destino AIS pa “S. America segun orde” dia 14 mei.

E otro tresnan, esta Faxon, Fortune y Petunia, ta sali riba e ruta cu por hiba nan pa Venezuela. Mirando e sancion fuerte di Merca poni pa Iran, tambe Venezuela cu ta sanciona, ta mustra cu e pais no tin nada di perde pa acepta loke a wordo manda. Raja a bisa cu Refinitiv no ta conta cu e datonan di ningun gasolin manda pa Sur America den pasado for di Iran.