Diaranson a tuma luga un instuticion di e directiva nobo di Stichting Voortgezet Onderwijs Aruba (SVOA), unda cu e presidente saliente y miembro saliente a presenta retiro. mr. Brechtje Huiskes garantisa e continuidad di e overdraag den e proximo simannan y ta disponibel pa keda te 1 di september. E directiva di SVOA lo tin directivanan nobo cu ta inclui Pastor Juancho Pilongo mr. Ernesto Rozenstand miembro nobo y otronan mas. Segun e statuut e directiva lo consisti di 5 persona pero nan ta en espera ken OCCA lo nombra.
E directiva nobo a tuma decision di laga Robert Croes bay y gobierno ta para tras di e decision aki. Minister di Enseñansa, Ciencia y Desaroyo Sostenibel, Armando Lampe, ta gradicie pa tur loke el a haci y pa comparti su tempo valioso. Uka Wernet tabata e waarnemend rector cu tabata encarga cu Colegio Arubano y haci un tremendo trabou, segun e mandatario. Pero awo Tim Croes lo ta e rector nobo y lo asumi e posicion aki dia 1 di augustus.
E mandatario ta recorda e mayornan pa sigui haci e pago via e cuenta di SVOA manera debe ser. Tambe Minister Lampe a bisa p’e docentenan di Colegio Arubano no preocupa pasobra nan rechtspositie y trabou lo continua bou SVOA. Gobierno di Aruba lo sigui cu e relacion di subsidio pa Colegio Arubano y SVOA. Obispo di Willhelmstad a institui un comision di 3 persona, kendenan lo delibera riba e intendidad di scolnan catolico aki na Aruba. E comision ey lo haci esey den e proximo lunanan.
Segun Robert Croes, hopi a papia sin sa hopi cos y no a sinta na mesa. Unico scol cu tin jaarrekening 2019 goedgekeurd ta Colegio Arubano. A haci varios hopi cos bon, unda transforma e scol, a drecha cu casi tur baño y klas, y a logra esey cu tur esnan cu a yuda esaki.
Tin overdrag responsabel unda e organisacion ta entrega tur cos cu ta andando, asina Robert Croes a bisa. Ta laga un scol atras cu a bay dilanti fisicamente pe studiante – y docentenan. Ta laga atras un rector capacita pa hiba e scol padilanti.
Segun Minister Lampe, SMOA a trek in e caso cu nan tin contra Gobierno y a haci esaki di parti e directiva nobo di Colegio Arubano. Na prome instante a bisa cu SKOA lo tuma temporalmente e maneho di Colegio Arubano, pero esaki no lo ta e caso mas y SVOA lo ta maneha e scol.
