Minister Glenbert Croes durante conferencia di prensa a splica cu el a tuma nota cu nan kier señala su persona y Patrick Farro, kende ta manager manpower DPL Oil & Gas Industry Desk, cu e compania GTS.
E minister ta splica cu GTS ta pertenece na e companianan cu a wordo privilegia durante e gobierno anterior. E minister kier ta hopi cla tambe cu e y full e team di DPL Oil & Gas Industry Desk ta wordo paga door di pueblo di Aruba y tey pa sirbi interes di tur compania y primordialmente, na e momentonan aki, nan ta yama pa atende interesnan principalmente di e compania y trahadonan, cu pasobra kisas nan no tabata di e color di e gobierno anterior.
Pasobra nan no tabata tin vinculo cu e ministernan di AVP. Nan no a bin na remarca pa traha den e refineria. Trahadonan cu pasobra nan no tabata vincula cu e ministernan, trahadonan cu pasobra nan no tabata AVP, a keda pafo di refineria, lo haya trabao den refineria. Kisas tin di nan por a haya via via, pero ta via porta di cushina nan lo por a haya un chens. Pero una bes cu haya sa cu ta MEP, bo no ta AVP, bo ta wordo corta, e minister a enfatisa.
E maneho ey ta e maneho cu gobierno lo caba cun’e. Eynan ta unda cu ta spera. Ta den bon sentido, atendiendo e entendimento, cooperacion, negociacion, reunionnan cu CITGO Aruba, pa sigura cu e kliek di companianan di AVP, cu a probecha hunto cu gobierno di AVP den Citgo Aruba y Refineria di Aruba, durante e ultimo dos pa tres añanan, e klieknan ey mester compronde cu nan ta forma parti di entre otro e inhouse contractornan, mester compronde cu otronan tambe mester haya un oportunidad pa tambe tin un fair chance y realisa proyectonan den e refineria, traha den e refineria. Trahadonan local tambe haya oportunidad pa haya den e refineria. Profesionalnan local, haya chens di traha den e refineria y henter e maneho ta pa sigura cu tur compania haya un fair chance pa traha den e refineria. Awor aki no ta cuestion cu si bo ta AVP, bo ta MEP, pero principalmente loke si e minister kier resalta cu gobierno kier percura, cual ta e solicitud di gobierno na Citgo Aruba, ta pa sigura cu tur esnan cu a wordo lubida of cu no por a drenta, sea bo ta trahado profesional of contratista. Aruba ta pa nos tur, e refineria ta pa tur compania, tur trahado. E refineria ta di tur, ta di henter pueblo. Sin duda ta aprecia e inversion cu Citgo Aruba ta haci den e refineria. E minister no mester recorda con importante e tabata pa gobierno, unda cu a hasta bay accionnan. E minister a referi na e accion Ora Zero, ora cu nan kier a desmantela e refineria. E compania cu yama Arcadis, cu a wordo contracta pa Valero, pa desmantela e refineria. Ora cu e gobierno di AVP a pensa cu tin mas negoshi den desmantela e refineria, cu tene e refineria habri, e mandatario a enfatisa.
