Cada biaha e cantidad di sushi y bicicletanan cu ta drentando santana di gobierno ta aumentando. Algun tempo atras e santana a haya un limpiesa total pa e grupo y ploegnan di BCI. Awo ademas di yerba, tin e fenomeno di adictonan ambulante cu ta drumi eyden. Nan ta hiba hopi cos cu nan ta horta of haya riba caya y hiba eynan cu a bira nan hogar.
Pa gobierno kizas ta bon cu nan ta scondi. Di otro banda e habitantenan si ta preocupa cu presencia di e adictonan cu ta horta pa sacia nan adiccion na droga.
Pronto e santana di gobierno na Playa lo bira un dump. Eynan mes e adictonan tin nan cama traha y mesa pa huma base. Spera cu e instancianan pone atencion na e problema aki. Gobierno mes a bira lomba masha tempo pa e problema di adictonan cu ta birando cada dia mas y mas den tur districto of bario.
