For di augustus te cu october, Aruba a conoce un caida den gasolin, cual sigur tabata un alivio pa henter nos comunidad.
Den e luna aki di november, desde dia 9 di november, nos a conoce un aumento di 14.2 cen y sin lubida cu tabatin tambe aumento den diesel (cu awo ta mas halto cu gasolin mes), cu un aumento di 25,4 cen y tambe di kerosin (cu ta yegando e prijs di gasolin), cu un aumento di 16,6 cen.
Y pueblo no ta mucho contento cu e situacion aki. Minister encarga cu Asunto Economico, Comunicacion y Desaroyo Sostenibel, mr. Geoffrey Wever a yega di menciona cu e ta buscando alternativa, sea cu e lo mishi cu e accions of busca un otro tipo di gasolin, sea mas barata of for di un pais mas cerca.
Tin di remarca cu bao di su maneho, prijs di gasolin tin e record di esun di mas halto den historia di Aruba.
Riba esaki, e mandatario a menciona cu e no tin ningun influencia riba e prijs di gasolin y esey ta un realidad, ta loke el a menciona durante di un entrevista den Enfoke. Tur cos ta depende riba desaroyo internacional.
