Presidente di Aruba Taekwondo Bond (ARTBO), Moises Fernandez, a biaha pa Guadalajara, Mexico, pa e Campeonato Mundial di adulto. Durante e siman di 15 pa 20 di november 2022 Moises Fernandez ta bay ta presente na tur e reunionnan di World Taekwondo. Aruba mester ta presente na e campeonato mundial pa asina Aruba por tin su derecho di voto y bos.
World Taekwondo lo presenta e agenda di 2023/2024. Durante e siman aki, tur miembro di Pan American Union (PATU) ta presente y nan lo presenta nan agenda pa 2023/2024. Aruba tambe ta miembro di PATU. Fernandez tin un tarea hopi importante pa atende cu PATU tocante di e desaroyo di Aruba su taekwondo pa 2023. Fernandez mester ta presente durante e asamblea general.
Moises Fernandez mester ta presente pa e credencial di Monica Pimentel cu ta bay ta e unico coach di Aruba. Presidente di ARTBO ta bay atende na e reunion tecnico di e campeonato mundial pa e ta bon informa tocante di e ultimo desaroyonan den taekwondo. Durante e reunion di World Taekwondo nan lo presenta e agenda y e notulen di e aña aki pa asina tur pais presente por vota.
