Minister Dangui Oduber a probecha pa para un rato keto y observa e prome dos añanan di gobernacion, specialmente locual ta toca su Ministerio, Departamentonan y Fundacionnan. E mandatario ta realisa cu ora ta traha duro, tempo ta bay lihe y hopi biaha, sin cu Bo ta realisa, ta pasa bay laga Bo. Asina mes e ta orguyoso di henter su ekipo pa e cantidad di logronan, proyectonan y inversionnan realisa den apenas 2 aña di tempo.
E politico cu awor ta gobernando pa prome bez, ta conta cu varios cartera pisa, manera Turismo, Salud Publico y Deporte. Tur tabata masha activo den e prome 24 lunanan di e periodo di gobernacion y ta spera di ta mas activo den e siguiente 24 lunanan cu ta keda. E mandatario a sigura cu aña 2020 lo bira un aña di mas crecemento y mas innovacion.
