A nombra mr. J.S. de Vries como fiscal mayor nobo pa Aruba. Conseho di Minister a aproba su nombracion dor di minister di Husticia mr. Andin Bikker. Saskia de Vries (63 aña) ta bin di Ministerio Publico di Hulanda.
El a traha como fiscal desde 1995 y a traha na varios parket na Hulanda. El a traha tambe na Corsou. E tin hopi experiencia den guia investigacionnan grandi di tur tipo di criminalidad organisa, fraude y corupcion.
Na e momento aki Saskia de Vries ta traha como consehero di Ministerio Publico na Sarajevo, capital di Bosnia y Herzegovina. Como consehero di ‘rule of law’, el a duna un aporte importante e ultimo añanan aki na e desaroyo di Ministerionan Publico den e parti west di Balkan.
E lo uza su conocimento y experiencia den e tres añanan venidero na beneficio di Ministerio Publico di Aruba.
