E wega di Mini Mega plus di Aruba su Loteria, lo ta grandi un biaha mas. 735 mil florin e lo ta diamars anochi, aunke cu a regala caba 1 miyon na un ganado, kende a gana esaki algun dia pasa.
Ronald van den Berg, director di Lotto pa Deporte a conta riba loke ta e premionan grandi y tambe prome cu pasco y prome cu aña nobo, bo por cera cu bon cen den bo saco, di por lo menos tres cuart miyon florin.
E ta splica cu e wega su mes a causa cu e premio ta grandi asina, mirando cu e wega anterior, a cumpra e premio grandi cu 5 florin, na luga di 7. Diamars anochi atrobe e ta 700 mil, cual ta un jackpot hopi grandi. E ora bo tin cu cumpr’e cu 7 florin pa bo por bay cu e jackpot grandi aki. Lotto ta sigui haci hende feliz prome cu fin di aña.
Reaccion
Segun van den Berg, e tarea di Lotto ta fuerte. Pueblo ta duna nan e confiansa cada biaha, maske eyfo ta tendiendo hopi cos. Nan tin confiansa. Lotto ta paga, benta ta bon, en particular awor aki. Hopi biaha hop hende ta bisa cu nan ta fix nan.
Awor aki por mira atrobe cu Minimega a bay, pero e plus a keda aden y a keda mesun grandi. Asina e ta bay, segun e ehecutivo. Ora cu 222 sali, of ora cu 1313 sali, esey ta loteria. E tin su mesun bida. Ningun hende no por mishi cun’e of control’e.
Den e caso aki, e ta un pot hopi grandi pa fin di aña. Hopi hende ta riba dje atrobe y pa mañan anochi e lo bay tin un Mini miyonario e ora ey.
Mañan, bo tin tempo pa cumpra bo Lotto na cualkier rebendedor of tambe na Lotto mes, bo por pasa busca bo ticket, bo numbernan pa bo cumpra. 735 mil florin y cu 7 florin bo por dal e premio.
Lotto 5
E premio di Lotto 5 diasabra a bay. Ta hopi placa ta wordo reparti na premio. Segun van den Berg, pa aña sigur sigur ta parti por lo menos 25 miyon florin na premio so. Esey hopi hende no ta papia di dje. Lotto ta paga y na ora. Ora cu hende bin cobra, nan ta paga mesora.
E ta hopi placa. Den full e aña cu a pasa a paga hopi hende. Lotto ta fuerte financieramente, danki na pueblo pa e respaldo cu Lotto tin.
Pa mañan nan lo bin duro riba Lotto y nan ta bon prepara pa esey.
