Siendo un experto procedente for di Centraal Bureau Statistiek (CBS), miembro di Parlamento pa Fraccion di MEP, Setty Christiaans-Yarzagaray, a haci diferente pregunta na Minister Dangui Oduber durante tratamento di e Presupuesto 2019 di Turismo. E Parlamentario a haci su propio investigacion, a acumula informacion y a presenta cu un documento rico na contenido y informacion cu Gobierno mes lo por uza den determina maneho di turismo.
Manera ta conoci, data ta importante pa por dicidi riba rumbo di turismo di nos pais. Pero, e Parlamentario ta preocupa, Aruba Tourism Authority tur aña ta hayando mas fondo, ta gastando mas, pero e cantidad di turistanan biniendo Aruba y e placa cu nan ta laga atras no ta aumentando mesun cos.