Diaranson militarnan a tene entrenamentonan tanto na Barcadera como na Camacuri. Segun Rick Otten, comandante interino di e di 32 escuadron na Aruba, e siman aki nan tin entrenamentonan, unda cu nan ta haci patruyanan social entre e ciudadanonan y purba di gana nan confiansa. Nan no ta haci esaki specificamente na Aruba, pero den e area Caribense.
E tin di haber cu e localnan y door di esey tin cu gana e confiansa. Aki tambe tin cu brinda ayudo humanitario. Tin cu saca afo kico ta e necesidadnan di e comunidad door di papia cu nan. Door di esey a bin cu e patruya social y nan no ta efectua solamente operacionnan nocturno, cual nan ta haciendo tambe.
Otter a comenta cu actualmente henter e trupa, cu ta consisti di 28 persona, ta ocupa cu e entrenamentonan aki. Na e momentonan aki esnan cu ta activo ta e mariniernan Hulandes. Nan ta haciendo tambe servicionan local, pero tambe ta uzando localnan pa e hulplijn. Esaki no tin di haber cu e situacion di Venezuela. Preparacion di e entrenamento aki a tuma luga desde lunanan atras. E planeamento di e entrenamento a planea di antemano y pone autoridadnan local na altura unda nan lo ta. Debi cu esaki ta cay den tareanan y ta p’esey ta haci esaki tur aña.
Por spera mas di e entrenamentonan aki. Segun Otter, ta purba di train mas cerca di e situacion real. Normalmente nan ta haci’e na e kazerne mes, pero nan mes ta purba di haci e operacionnan aki riba e isla mes, hunto cu autoridadnan local, pero tambe cu Arumil.
