Na momento cu WEB subi of baha prijs di awa cu coriente, pasobra na final di dia WEB ta produci nan, e ta informa no solamente su accionista cu ta Utilities, e ta informa su Raad van Comissaris tambe.
E Raad di Comissaris di Utilities tambe ta informa y sigur sigur minister encarga cu energia ta informa. Mike de Meza, parlamentario di AVP, a indica cu esey no ta bay solamente via un yamada telefonico, pero por escrito tambe. E minister ta hasta haya e publicacion cu tin di bay den corant, medio social. Si tin un gobernante cu ta bisa di no sa, gaña e ta gaña.
Sigur sigur e prome minister ta haya notificacion y ta haci esey prome cu aument’e. E ta bira un punto di notificacion y discusion den Ministerraad, pasobra e efectonan di aumento di prijs den awa y coriente riba pais ta grandi. Na momento cu awa y coriente aumenta, por mira esey ta refleha den tur producto riba mercado. Ora e prome minister bisa e no tabata sa, no ta berdad, segun de Meza. Pa algun luna caba e prome minister tabata sa, pasobra WEB a manda un carta pa Elmar informando esaki.
Pa mas lesa TREMPAN.COM.
