Den un comunicado WEB Aruba N.V. a anuncia cu den consulta cu accionista Utilities Aruba N.V. a tuma decision pa suspende e aumento di tarifa di awa temporalmente.
Durante un conferencia di prensa cu a tuma luga ayera, Minister Presidente Evelyn Wever-Croes a duna e prome reaccion den nomber di Gobierno di Aruba riba e anuncio di aumento di tarifa di awa cu WEB a haci diahuebs mainta. “Gobierno ta desagradablemente sorprendi”, asina e mandatario a bisa. El a indica cu ainda na comienso di e siman aki nan tabata sinta na mesa cu directiva di WEB pa negociacion riba e tema.
Premier Wever-Croes a duna di compronde cu no tabatin ningun palabracion cu WEB p’e anuncio di ayera.
Esaki ta un noticia den desaroyo.
