Despues di a deposita su voto, Minister Mike de Meza a dirigi su mes na prensa y a expresa cu sigur nan lo bay pe y ta hopi satisfecho.
Esaki ta un di e pasonan chikito, pero ta pasonan grandi pa Aruba. Ta un victoria historico y absoluto. San Nicolas ta cu AVP.
Y naturalmente ta cla pa subi caya diadomingo. Esey lo bay ta e parada di mas grandi di historia cu Aruba lo bay wak.
Coalicion
De Meza a splica cu lo mira despues di eleccion. E no ta imposibel, pero e probabilidadnan ta hopi chikito. Na momento cu lider di e partido papia, ta para su tras. Ta un lider cu ta para pa pais Aruba, capas y inteligente, cu pueblo ta para su tras. Si e bisa cu no lo sinta cu POR, ta para su tras.
Refineria como stunt politico
AVP a prueba den pasado. Tin un refineria cu ta habri awor aki cu tin mas cu 600 hende ta traha aden. Den e siguiente dos pa tres luna, e lo bira 200 pa 300 persona mas y pa otro aña lo tin 2500 persona mas trahando den e refineria. Con mas serio esey lo por ta.
Pa loke ta gas, tin mas of menos tin un 100 miyon dollar inverti den dje caba. Otro aña a wordo anuncia internacionalmente cu no lo bay haci’e pa rasonnan politico. Otro aña, den e prome mita, lo bay haci perforacionnan rond di e isla den nos awanan.
Situacion di Paul Croes
E proceso di Paul Croes ta sigui su caminda. Paul Croes ta un bon amigo di de Meza y lo keda sostene. E ta kere den dje y e proceso lo sigui. Nan ta manera ruman. No ta manera cu partido MEP ta haci. de Meza ta cu Paul. Nan ta den un team y ta para hunto.
E victoria lo ta uno historico
Partido AVP lo bay haya e mayoria absoluto y e victoria lo ta uno historico. Lo bay wak e celebracion awe nochi. Pueblo durante campaña ta tende hopi fuerte cu pa prome biaha den historia di Aruba nan a mira un partido goberna 4, despues 8 aña, y haci trabaonan sumamente grandi pa Aruba. Un pais cu tabata den un desaster total cu partido MEP a laga atras. Tur hende tabata sa kico e hendenan aki a haci. Awe como AVP a sali door di tur e retonan ey. Tur di nan awe Aruba ta den pleno progreso. Awe Aruba ta un pais den desaroyo y no ta bay tras di storianan populista. Pueblo no ta kere den partido MEP, pueblo no ta kere den partidonan aventurero, pueblo kier e partido cu realmente a traha y mustra unda placa di pueblo a bay.
E progreso a yega te den cas di esnan cu ta biba marginal. E Gobierno aki a sa di tuma e bienestar ey y compartie cu tur hende. Manera cu e lider di partido ta bisa, e no lo sosega tanten cu tin felicidad den tur hogar. Esey ta loke AVP ta para p’e.
Voto
Tur voto ta conta. E mayoria awenochi lo ta AVP. Ta pesey ta pidi pa tur esnan cu no a vota ainda, no warda e ultimo. Bay vota mas tempran posibel. Tur voto ta conta. Ta respeta tur individuo y AVP kier e sosten di henter pueblo di Aruba. Nan ta un partido di pueblo y no ta tuma chens pa aventureronan, hendenan cu a desgracia e pais aki, bin bek na mando. E ora por lubida tur e progreso cu nos ta aden. Pueblo a mira e progreso.
