Na februari 2018 el a scucha Corte den Prome instancia condene na un castigo di 12 anja incondicional pa asesinato. Fiscal a exigi 14 anja. Riba 21 di mei 2017, el a a tira un homber mata dilanti Olde Molen. Esaki ta e persona cu despues di 9 dia di a comete e acto, a entrega su mes na polis.
E asesinato
Manera ta conoci, riba e fecha ya menciona a drenta un melding 4:28 am na central di polis cu lo tin tiramento na Olde Molen. Na yegada di patruya ta bin topa cu un hende homber cu tiro na su curpa y no ta duna señal di bida den e parkeerplaats dilanti e luga. Ta pidi ambulance, pero na yegada no por a haci nada ya cu e persona a fayece. Asina a cuminsa cu e investigacion cu a conduci na detencion di Schneiders.
Awo cera den KIA el a ataca otro preso hincand‘e. E tabata deteni na Santa Cruz pa interogacion. Prome cu esey tabata cera pa atraco arma.
Husticia ta consider’e un preso peligroso y cu ta uza arma di candela. E tin famia busca pa husticia pero scondi na Venezuela, pa cual ta sospecha cu e lo por bay eybanda tambe.
