Den e mundo di awendia, caminda cu tecnologia ta asina avansa, (casi) tur cos ta wordo comparti ariba rednan social.
Matrimonio entre dos persona di mesun sexo ta keda un punto di discusion. Asina tambe Parlamentario di fraccion di AVP, mr. dr. Rycond do Nascimento, a duna su opinion riba e punto aki, cual reaccion tabata un desapunto pa lider di fraccion di Accion21 den Parlamento, ya cu el a bisa cu e lo ta voor casamento den pareha homosexual y p’esey Mansur a keda sorprendi p’e articulo di Santos do Nascimento tocante casamento di pareha homosexual.
Mansur a bisa cu AVP a inverti hopi placa den campaña di Santos do Nascimento, unda cu tabata profil’e hopi como un politico nobo pero su resultado electoral tabata un fracaso. Si Mansur ta compronde cu Santos do Nascimento lo kier tin relevancia politico, ya cu aparentemente Robert Candelaria no tin interes pa bolbe bek den politica, cual mayoria di su votadonan tabata miembronan di un of otro iglesia cristian y Santos do Nascimento lo kier haya e votonan aki di Candelaria, pa cual el a tuma e postura ey.
Pero pa wak un persona cu conocemento y capacidad bira den e Marco Berlis di AVP, ta algo di lamenta. AVP y MEP ta dos partido homofobico. Pero MEP t’e partido cu mas miembro hinca den cashi, cu miedo di sali afo como un persona homosexual.
AVP tin algun miembro cu a vocifera cu nan ta pro matrimonio homosexual, pero for di e lidernan di MEP y AVP ta silencio so bo ta haya.
