Curacao a yama bonbini na buelo nobo entre Curacao y Miami cu Aruba Airlines

Diabierna atardi algo pasa di 4 or Curacao a celebra e hecho cu awor tin un coneccion adicional entre e isla y Miami. Ta trata aki di un buelo 4 bez pa siman entre e dos destinacionan aki. Dos crash truck di servicio di bombero tabata warda e buelo yega pa asina basha awa riba e avion como muestra di celebracion. Asina cu e buelo a yega invitadonan tabata forma parti di un recepcion na aeropuerto. Aki tabata tin diferente discurso e.o di Minister Giselle McWilliam, Minister Zita Jesus-Leito, Director di CHATA,  Peggy Croes di Curacao Airport Partners y tambe ehecutivo di Aruba Airlines Sr. Arends.

For di discursonan por a tuma nota cu tur partner envolvi ta hopi contento di e coneccion aki pero adicionalmente nan ta contento con luther tur cos a cana pa hasi esaki un realidad.

Un rato pasa na aeropuerto Hato na Corsou a tuma luga e ceremonia oficial pa yegada di e vuelo inaugural di Aruba Airlines for di Miami. Desde awor 4 x pa siman Corsou lo tin un conexion directo cu Miami. Na mes momento Aruba tambe por haci uzo di e buelo aki mirando cu e buelo ta sali for di Aruba. #Curacao #Feelitforyourself #ArubaAirlines

Posted by 24ora on Friday, November 29, 2019

Pa loke ta Aruba, nos por menciona cu Aruba tambe por hasi uso di e buelo aki mirando cu e buelo lo inicia na Aruba. E buelo lo sali den oranan di mainta trempan for di Aruba pa Curacao. Aki e pasaheronan cu ta sigi pa MIami por keda abordo mientras cu e pasaheronan di Curacao ta aborda. Despues e buelo ta sigi pa Miami. E mesun buelo ta regresa merdia pa Curacao y Aruba.

24ora.com tabata presente na Curacao riba invitacion di Aruba Airlines y Oficina di Turismo di Curacao. Nos kier a gradici cada un di nan pa e bon trato. Den transcurso di e sigiente dianan lo por spera varios raportahe di diferente proyecto cu ta andando na Curacao den e sector turistico