Departamento Meteorologico di Aruba (Meteo) den oranan di marduga y mañan lo ta parcialmente te temporalmente hopi nubla cu localmente awacero. E temperatura lo ta un maximo di 33 grado celsius y minimo 28 grado celsius.
Pa loke ta biento, esaki ta modera cu ta bin for di direccion entre Zuidoost y Oost. E biento tin un forsa di 12 te 30 km/ora y di 7 te 16 nudo. E situacion general di tempo p’e proximo 24 ora ta humedad persistente den region cu por produci awacero local. E regimen normal di biento lo reestablece den proximo 24 ora, mientras Isaias ta aleha for di e area di Caribe. Tormenta tropical Isaias ta sigui move den direccion Noordwest cu 250 km, Westnoordwest di Punta Cana, Republica Dominicana. E sistema aki no ta peliger p’e area local.
E condicion maritimo ta uno estado modera y ta spera den e proximo 24 ora di por hasta bira bruto. Olanan lo ta for di Noordoost entre 4 pa 8 pia, y por haya olanan mas halto na e parti Oost te Noordwest. Meteo tin alerta p’e botonan chikito, specialmente esnan na e parti Oost te Noordwest di costa cu ta na vigor te diasabra mainta 6:00.
