Merca a saca su prome paspoort cu un designacion di genero X, reconociendo e derecho di e personanan cu no ta identifica nan mes como hende homber of hende muhe y ta spera di por ofrece e opcion mas amplio pa otro aña, departamento di estado a bisa diaranson.
E diplomatico special di Merca pa e derecho di personanan LGBTQ, Jessica Stern, a cualifica e medidanan pa ta historico y celebra, afirmando cu ta pone e documentonan gubernamental ta cuadra cu ‘e realidad biba’ cu ta existi un espectro mas amplio di caracteristica sexual humano compara cu e dos designacionnan anterior refleha.
“Ora cu un persona ricibi su documentonan di identidad cu ta refleha su identidad berdadero, e ta biba cu mas dignidad y respet,” Stern a bisa.
E departamento no a anuncia na ken a emiti e paspoort. Un funcionario di e departamento a nenga di bisa cu ta pa Dana Zzyym, un residente intersexual di Colorado cu tabata den un bataya legal cu e departamento desde 2015, bisando cu e departamento no sa discuti e solicitudnan di paspoort individual debi na e preocupacionnan di privacidad.
ESTILO DI BIDA
A nenga Zzyym (pronuncia Zimm) e paspoort door di no a marca hende homber of hende muhe den un solicitud. Segun e documentonan hudicial, Zzyym a skirbi ‘intersexual’ riba e hokinan marca como ‘M’ y ‘F’ a pidi na su luga un hoki di genero ‘X’ den un carta separa.
Zzyym a nace cu e caracteristicanan sexual fisico mixto, pero a cri’e como un mucha homber y a haci varios cirugia cu no a logra cu Zzyym parce totalmente masculino, segun e documentonan hudicial. Zzyym a sirbi den Marina como hende homber, pero despues el a identifica como intersexual mientras cu e tabata traha y studia den e Universidad Estatal di Colorado. E nengamento di e paspoort di Zzyym di parti di e Departamento di Estado a impedi cu Zzyym por a biaha na un reunion di e Organisacion Intersexual Internacional na Mexico.
Departamento di Estado a anuncia na juni cu ta nan tabata avansando den e incorporacion di un di tres hoki di genero pa e personanan no binario (termino uza pa describi e persona cu su identidad di genero no ta completamente masculino of femenino), intersexual y no conforme cu e genero, pero a bisa cu lo tuma tempo pasobra e lo rekeri update amplio di nan sistema informatica. Un funcionario di e departamento a bisa cu e solicitud di paspoort y e update di e sistema cu e opcion di designacion ‘X’ ainda mester ta aproba pa e oficina di maneho y presupuesto, cu ta aproba tur e formularionan di gobierno, prome cu emiti nan.
E departamento aki tambe ta permiti awo pa e solicitantenan auto-selecta nan genero como masculino of femenino, sin exigi pa nan presenta un certificado medico si su genero no ta cuadra cu loke ta para den nan otro documento di identificacion.
Merca ta uni na un grupo di pais, manera Australia, New Zealand, Nepal y Canada, cu ta permiti nan ciudadanonan pa designa un genero distinto na esun masculino of femenino den nan paspoort.
Stern a bisa cu su oficina tin planea pa papia riba e experiencia di Merca cu e cambio den su interaccion rond mundo y ta spera cu esey por yuda inspira e otro gobiernonan pa ofrece e opcion.
“Nos lo mira con den un forma di confirma y halsa e derechonan humano di e personanan trans y intersexual y di e personanan cu no ta contento cu nan genero y no binario rond mundo,” el a bisa.Attachments area
