Siman pasa un grupo di 10 empleado di Banco di Seguro Social (SVb) a subi caya pa un accion relampago riba comerio. Meta di e accion tabata pa constata si negoshinan a inscribi tur nan trahadonan, pues pa garantisa cu trahadonan ta conta riba seguro social, den caso nan haya accidente na trabou of pa cubri nan salario ora cu nan bira malo.
Pa e accion aki a haci uzo di no menos cu 10 empleado cu tin e poder di polis extraordinario. E poder special aki, otorga door di Minister di Husticia, ta duna e empleado publico di SVb e autoridad pa por duna multa na momento cu constata fayo di parti di e dunadonan di trabou. Ta obliga pa sigura tur trahado den servicio di un compania na Aruba, pasobra ley ta stipula cu tur trahado tin derecho riba cobertura di seguro social den caso di enfermedad y pa por conta cu un pensioen digno na momento di alcansa edad di 65 aña. Pa mas informacion lesa Trempan
