Gobierno Mericano ta premira di lo demanda Google pa monopolio riba mercadonan di anuncio y buscamento riba internet, di cual por bin un guera legal y e caso mas grandi di anti monopolio den ultimo decada. E demanda ta argumenta cu Google ta sostene su papel di “e siguridad principal di acceso” di internet via “un red ilegal di acuerdonan exclusivo pa stop su competidonan”, asina The Wall Street a cita fuentenan di Departamento di Husticia.
E tecnologico gigante, cu sede na Mountain View (California) ta controla mas of menos 80% di e buskeda riba internet na Merca. Den e ultimo aña, e grandi di tecnologia a enfrenta critica di difernte gobierno y organismonan manera Union Europeo (UE), debi na e cantidad di poder cu nan ta acumula, e beneficionan cu ta obtene.
Cu e transformacion di Google den un gigante di tecnologia, autoridadnan di Merca ta vigila e compania di cerca. E Comision Federal di Comercio di e pais tambe tin autoridad pa investiga casonan di monopolio. Na 2013 esaki a finalisa sin prueba suficiente.
Fuente: EFE
