Juan Thijsen a entrega keho na Ministerio Publico contra Marisol Lopez-Tromp

Den conferencia di prensa di MEP, Juan E. Thijsen, presidente di Parlamento a reacciona riba loke Minister Marisol Lopez-Tromp a declara despues di su audiencia cu Gobernador. Di a acusa personanan den actonan penal, ta bay den otro direccion. Lopez-Tromp a bisa cu su persona a bisa e griffier pa marca cu Parlamentario Allan Howell a vota pro, pero pa haci algo asina ta contra ley.

Thijsen a entrega un keho contra Lopez-Tromp riba e valse beschulding. El a indica cu tin prueba cu Howell a bisa di ta pro. E problema tabata unda cu e griffier ta marca, pero na momento cu el a haya e papel di votonan no tabatin e cantidad di hende a vota. El a pidi griffier pa conta e votonan y asina e por lesa esaki.

Conferencia di Prensa extraordinario: Ady Thijsen ta reacciona riba expresionnan di minister Lopez-Tromp. Click link pa mas https://24ora.news/31qVTUf

Posted by 24ora on Tuesday, October 20, 2020

E ta haya cu Lopez-Tromp no a hinca solamente e parlamentario den problema, pero tambe a hinca e griffier den problema. E declaracion di Lopez-Tromp a hinca Instituto di Parlamento den problema, pasobra ta mustra cu den e instituto ta fechoria ta pasa, actonan penal ta pasa.

E acusacion ta uno fuerte, specialmente ta trata preesidente di Parlamento. No a bay pa su persona so, pasobra a atacha su nomber y credibilidad, manera ta poni riba media social. E ta di pensamento cu esun cu kier hung fechoria, e para pa su actonan.