Durante rueda di prensa lider di fraccion MEP a reacciona riba e vakantie uitkering y loonbelasting, cual ta algo cu mester paga. Sea ta paga esaki den e seis lunanan aki of despues. E ta un obligacion cu mester paga e loonbelasting.
Shailiny Tromp-Lee, lider di fraccion MEP, a indica loke ta husto, di cual no a pag’e di juni pa december pasa, pero awo ta bay haya henter e suma na juni proximo. Lo paga un tiki mas, pa cual tin cu paga pasobra e ta deber. E parlamentario a indica sea ta pag’e awo entre e seis lunanan aki of den e luna dilanti nos, di cual ambos ta keda mesun cos.
E parlamentario ta kere cu mester mira e positivo cu ambtenaar ta haya su vakantie uitkering, pasobra e ta un suma cu mester paga na final. Of ta bisa cu ta bay ward’e te ora haya aangifte y pag’e. Esey ta un posibel solucion, pero ningun solucion lo pone e ambtenaar of ningun otro contento.
Tromp-Lee a indica di mira cu e ta un obligacion pa paga e loonbelasting riba e suma total, esaki ta te januari a stop cu e inkorting. Sea ta pag’e awo den e seis lunanan, of den e seis lunanan nos dilanti, of ta bisa di a haya mas salario cu a tene cuenta cu ne y ta pag’e despues. Na un momento mester paga e suma ey.
Tambe el a indica cu e sindicatonan tin tur nan derecho. Si nan ta sinti cu esey no ta beneficioso p’e miembronan, nan mester haci uzo di nan derecho pa reclama gobierno. Tromp-Lee ta kere cu e ta obligacion di gobierno pa contesta nan debidamente.
