E biaha aki tabata riba Linear Park. Aki ta caminda cu algun minuut di tempo a sosode dos accidente na mesun momento. Un ta caminda cu tabatin dos auto envolvi e otro cu brommer tambe. Polis a avisa personal di seguro y tambe e departamento di trafico p’asina documenta e accidentenan aki.
No ta trata di mucho daño material sinembargo e consumo di alcohol no por a keda afo. A detene dos persona y transporta nan pa warda di polis.
Por a nota un diabierna yena cu accidente y cu varios chauffeur burachi riba caya. Ta pidi un y tur pa bay pocopoco riba caminda den e fin di siman druk aki. Polis lo tin extra control e fin di siman aki riba caya. Tin varios brommer cu a bin for di Corsou y Boneiro tambe pa celebra nos dia nacional.
