En conexion cu 18 di maart, Colegio Nigel Matthew a tene su actividad di Feria Cultural. Tabata tin diferente actividad cu tur hende por a disfruta di dje. Nan a reconoce varios hoben cu a destaca den area artistico como deportivo.
Ivor Curie, schoolleider di Colegio Nigel Matthew, a expresa cu e actividad a bay bon. Den cuadro di 18 di maart e docente- y alumnonan a activa e Feria Cultural. E feria aki ta un recauda fondo pa un biahe cu nan ta bay organisa den luna di april.
E preparacion pa e actividad aki tabata uno duro, unda cu tur colega y mucha a traha den weekend y anochi. Tur cos a cana nechi y asina ey nan por a presenta algo excelente na comunidad. Nan tabatin tent di cuminda, musica, baile, a reconoce e alumnonan cu talento artistico y deportivo. Tambe a reconoce persona cu ta significa hopi p’e scol.
